7-март күнү Чаткал районунун борбору Каныш-Кыя айылындагы Ч. Айтматов атындагы маданият үйүндө райондук мамлекеттик администрация, райондук маданият бөлүмү жана райондук жаштар кеңешинин уюштуруусу менен «Чаткал периси— 2017 » кароо-сынагы болуп өттү.

Кароо-сынакка райондогу  мектептердин жогорку класстарында окуган тогуз кыз катышып, өз өнөрлөрүн көргөзүшүп, биринчиликке ат салышышты. Мында, алгач катышуучулар кызыл килемди басып өтүшүп, маданият үйүнө киришкен соң, зал толгон көрүүчүлөрдүн назарына ыр, бий жана өз өнөрүн көргөзүү номерлерин тартуулашып, калыстардын сынынан өтүштү.

Соңунда, бардык жагынан төп келген катышуучу катары Каныш-Кыя айылындагы С.Байдөөлөтов орто мектебинин 9-классынын окуучусу Нуржамал Кеңешбекова 1-орунга ээ болуп,  «Чаткал периси— 2017 » кароо- сынагынын таажысын кийди. Ал эми 2- орун А. Баймырзаев орто мектебинин 10-классынын окуучусу Сезимай Курманбековага ыйгарылса, 3-орун Айгыр-Жал айылындагы Исмаил уулу Матиш атындагы орто мектебинин 11-классынын окуучусу Эрнис кызы Таңнурага берилди.

Кароо-сынактын каржылык маселеси Каныш-Кыя айыл аймагы тарабынан чечилип берилди.

Мухамедалы Эшназаров, Чаткал району.