Азербайжан президенти жубайын биринчи вице-президент кылып дайындады
Азербайжан президенти Ильхам Алиев жубайы, межилис депутаты жана Гейдар Алиев фондунун президенти Мехрибан Алиеваны өлкөнүн биринчи вице-президенти кылып дайындады. Бул тууралуу «Азаттыктын» азери кызматы президенттин басма сөз кызматына шилтеме кылып билдирди.
Ильхам Алиев жубайынын биринчи вице-президент кызматына дайындалышын Алиеванын кесипкөй, тажрыйбалуу, гумандуу жана принципиалдуу адам экендиги менен түшүндүрдү.
"Мехрибан Алиева узак жылдардан бери коомдук-саясий, маданий жана эл аралык ишмердүүлүктө маанилүү ролду ойноп келатат. Ал ар тараптуу жана ийгиликтүү иш жүргүзүп келет. Мына ушул факторлордон улам мен аны Азербайжандын биринчи вице-президенттигине дайындоону чечтим", – деди президент Коопсуздук кеңешинин жыйынында жубайын биринчи вице-президент катары тааныштырып жатып.
Эки вице-президенттик кызматтын негизделишине былтыркы жылдын сентябрь айында Баш мыйзамды өзгөртүү боюнча өткөн референдум жол ачкан.
Ал өзгөртүүлөргө ылайык, вице-президенттерди өлкө башчысы дайындайт. Эгер президент оорудан же кандайдыр бир башка себептерден улам өз ыйгарым укуктарын аткара албай калса, президенттин милдетин аткаруу мурдагыдай премьер-министрге эмес, вице-президентке өтөт. Андан сырткары референдум менен президенттин ыйгарым укуктарынын мөөнөтү беш жылдан жети жылга чейин узартылган.
54 жаштагы өлкөнүн учурдагы башчысы Ильхам Алиев президенттик кызматты 2003-жылдан бери аркалап келет. Анын азыркы президенттик мөөнөтү 2018-жылы аяктайт.
Досторуң менен бөлүш
Коментарии FACEBOOK:
Тектеш жаңылыктар
АКШ Coursera платформасына Крымга кайтууга уруксат берди
АКШ өкмөтү санкцияларга карабастан...
БАСМА СӨЗГӨ БАЯНДАМА 2016-07-05 23:23
Германия "G7 плюс Орусия" форматы аягына чыккандыгын билдирди
Расмий Берлиндин пикиринде, азырынча Орусиянын алдыңкы индустриялуу өлкөлөрдүн чөйрөсүнө...
БАСМА СӨЗГӨ БАЯНДАМА 2016-05-02 11:18
Генерал Бридлав Орусияга көбүрөөк көңүл бурууга чакырды
Ал америкалык "Уолл-стрит жорнал" гезитине берген маегинде Орусия туудурган коркунучтарга...
БАСМА СӨЗГӨ БАЯНДАМА 2016-05-02 11:25
Европада качкындарды кабыл алуудан баш тарткан өлкөлөргө санкция...
Financial Times гезити кабарлагандай, Еврокомиссия ЕБга кирген кайсы бир өлкө качкындарды кабыл алуудан...
БАСМА СӨЗГӨ БАЯНДАМА 2016-05-04 21:37
Обама: атайын операциялар-терроризмге каршы күрөштө башкы курал
Атайын бөлүктөрдүн чалгындоо маалыматтарын камтыган операциялары америкалык президенттер үчүн...
БАСМА СӨЗГӨ БАЯНДАМА 2016-05-04 15:23
Өзбекстанда Казакстандагы митингдерди чагылдырууга тыюу салынды
Asiaterra интернет-басылмасы билдиргендей, Би-Би-Си орус кызматынын сайтындагы «Редактордун...
БАСМА СӨЗГӨ БАЯНДАМА 2016-05-04 15:47
National Geographic Кыргызстанда фототур уюштурат
National Geographic журналы Кыргызстанда фототур уюштурат. Бул тууралуу аталган журналдын (nat-geo.ru) расмий...
БАСМА СӨЗГӨ БАЯНДАМА 2016-05-04 16:04