Ал америкалык "Уолл-стрит жорнал" гезитине берген маегинде Орусия туудурган коркунучтарга багытталган чалгындоо иштерине АКШ жетишсиз каражат бөлүп жаткандыгына өкүнгөндүгүн айткан.

Америкалык генерал Москванын күчтөнүп бараткан аскерий кубаттуулугуна каршы техникалык мүмкүнчүлүктөргө басым жасоо керек экендигин билдирди.

"Орусия өнөктөштүк эмес, тирешүү жолун тандап алгандыгын көрүп турабыз. Ошондуктан багытыбызды ушуга ылайык өзгөртүү зарыл " – деди ал.

Бридлав бул кызматка дайындалганда Орусия атаандаш эмес, өнөктөш болот деп ойлогондугун айтты. Бул жылы ал НАТО Бириккен күчтөрүнүн командачысы кызматынын мөөнөтү бүткөндүгүнө байланыштуу өткөрүп берет.