Жалал-Абад шаарында коомдук жайларды көрктөндүрүү иш-чаралары тынымсыз жүргүзүлүп жатат. Бул тууралуу Жалал-Абад шаардык коммуналдык чарба жана көрктөндүрүү департаментинин прорабы Исмаил Кыязов билдирди.

Анын айтымында, учурда шаар көчөлөрүн ирээтке келтирүү жана көрктөндүрүү максатында пландуу иштер жүрүп жатат. Мисалы, Ленин көчөсүндөгү автоунаа жүрүүчү жолдун энин үч метрге кеңейтүү максатында темир тосмолор жылдырылып, шаардын борбордук көчөлөрүндөгү темир тосмолор сырдалууда.

Токтогул көчөсүндөгү аллеянын түнкү жарыктандыруу чырактары алмаштырылып жатат. Жалпысынан түндөгү жарык берүүчү 36 чырак алмаштырылган. Азыркы жаңы коюлуп жаткан түнкү чырактар мурдагыларга салыштырмалуу электр энергиясын аз керектешет.

- Тактап айтканда, мурдагы чырактар 15 ватттык болсо, жаңы коюлуп жаткандар 5 ваттыктар. Бул иштер аягына чыккандан кийин шаардагы башка көчөлөр да ирээттелет, -дейт И. Кыязов.