Үстүбүздөгү жылдын 1-майынан 9-майына чейин Казакстандын Палдовар шаарында өткөн бокс боюнча Азия Чемпионатына Ош шаарынын спортчусу 69 кг салмакта Айбек Акылбек уулу катышып, 3-орунду багындырган. Бул тууралуу шаардык мэриянын басма-сөз кызматы билдирди.

Ошондой эле, май айынын ушул күндөрү Тажикистандын Душанбе шаарында болуп өткөн студенттер арасында Азия Чемпионатында 56 кг салмакта Алманбет Алибеков да 3-орунду ээлеп, коло медалга ээ болду.

“Өлкөбүздүн, сүйүктүү шаарыбыздын намысын чет өлкөдө коргоп, Кыргызстандын желегин бийикке желбиретиш биз үчүн сыймык. Бизди ушундай мелдештерге жиберип, жетишкендиктерде колдогон, ата-энелерибизге, Ош шаарынын мэриясына, шаардык дене тарбия жана спорт комитетине, машыктыруучуларыбызга чоң рахмат!”,- дейт спортчулар.