Кочкор-Ата шаарындагы тез жардамдын имаратын капиталдык  ремонттоо үчүн 834 105 сомдук каражат сарпталды. Капиталдык ремонт иштерин «Асуенда» ЖЧКсы аткарып, жумуш толук бүткөрүлүп, жумушчу комиссия менен кабыл алынды. Бул тууралуу шаар мэри Кубаныч Эгембердиев билдирди.

Анын берген маалыматына караганда, шаардагы «Бейне строй» ЖЧКсы  тарабынан  № 16,17  үй-бүлөлүк дарыгерлер тобунун имаратында  ремонт иштери бир нече ирет эскертүү берүүлөрдөн кийин азыркы учурда 75 пайызга жумуш аткарылды. Шаардагы  Н.Исанов атындагы гимназиянын айланасы толугу менен тосмолонуп, дарбазасы менен КПП курулду. Азыркы учурда  интернаттын аянтын асфальттоого конкурстук негизде 799 347 сомдук келишим түзүлүп, асфальттоо иштери жүрүп  жатат.

Мындан сырткары, № 15 Беки уулу Семетей орто мектебинин ашканасын ремонттоо боюнча «Табан» ЖЧКсы жеңүүчү деп табылып, 1 млн. 380 миң 057 сомго келишим түзүлүп, жумуш аткарылууда, 25-августка чейин бүткөрүлөт. Шаардагы № 14 Губкин  орто мектебинин айланысына брусчатка басуу иштери толугу менен бүткөрүлдү.

“Пансионго ажааткана курууга конкурска жарыя берилди, мунун сметалык баасы 350034 сомду түзөт. Шаардагы № 28 Ч. Айтматов орто мектебинин чатырына кар тосмо жана сырткы эшигин орнотууга конкурска жарыя берилди - сметалык баасы 65910 сом, Октябрь көчөсүнө 17 даана жарыктандыруучу приборлоду орнотууга  жарыя берилди. Мунун  сметалык баасы 329151,0 сом”, - дейт К.Эгембердиев.