Кочкор-Ата шаарында жолдорду реконструкциялоо, жарыктандыруу жана шаардын инфраструкурасын көтөрүү боюнча бир топ иштер аткарылып жатат. Бул тууралуу шаар мэри Кубаныч Эгембердиев билдирди.

Анын берген маалыматына караганда, шаардагы Октябрьская-Токтогул көчөсүнөн ПМКга чейин узундугу 610 метрге  асфальттоо бүткөрүлдү. Ал эми жол белгилери жана узундугу 135 метр болгон тротуар мыйзамсыз курулуштардын айынан жасала элек, сметалык баасы 4 315 824 сомду түзөт.

Ал эми шаардагы Фрунзе, Токтогул көчөсүнөн Мырзамамыт Эгембердиев көчөсүнө  чейин узундугу 614 метр  асфальттоо бүткөрүлдү. Мунун сметалык баасы 4 863 572 сом болгон. Сметалык баасы 2 911 747 сом болгон Октябрьская, Транспортный көчөсүнөн Саратов көчөсүнө чейинки аралыгы 411 чакырымды түзгөн  асфальттоо иши бүткөрүлдү.

Шаардагы № 28 Ч.Айтматов орто мектебинин айланасына жана Фрунзе көчөсүнө аралыгы 1 км тротуар басуу жумуштары толугу менен бүткөрүлүп, анын  сметалык баасы 2 898 100 сомду түздү. Ошондой эле,  8-март, Манас, Титова көчөлөрү тегизделип сүрдүрүлдү, шагал төгүлдү,  15 үйгө мыйзамсыз жолго чыгып салып алган үйлөргө эскертүү берилип, дубалдары бузулуп,  50 пайызга жумуш аткарылган.

“Жолдорду жамоо, оңдоп түзөө жумуштары башталып, азыркы учурда Садовая көчөсүндө жолдорду жамоо иштери жүрүп жатат. Транспорт жана Тургенев көчөсүнө узундугу 1,35 км электр чубалгысын тартууга –1 010 629 сомдук конкурстук негизде келишим түзүлүп жумуш башталды. Пионер-Тургенев, Ленин-Мырзамамыт Эгембердиев атындагы көчөлөрүнө жол чырак орнотууга конкурска жарыя берилди. Мунун сметалык баасы 403108 сомду түзөт”, - дейт К.Эгембердиев.