КР ИИМнин 10-башкы башкармалыгынын жана Жалал-Абад ОИИБнын 10-бөлүмүнүн кызматкерлери менен биргеликте алынган маалыматтын негизинде, 9-август күнү саат 10:00дөр чамасында Сузак районунун Көк-Жаңгак шаарчасынын түндүк тарабындагы мүрзөнүн ичинен болжол менен 300-350 грамм салмагындагы жардыргыч затын табышкан.

Аталган фактынын негизинде Сузак РИИБү тарабынан КР КЖКнин 241-беренесинин 2-бөлүмүнүн негизинде кылмыш иши козголгон. Ыкчам-тергөө амалдары жүргүзүү учурунда 2016-жылдын июнь айынын башында, Сузак районун Көк-Жаңгак шаарчасынын тургуну 58 жаштагы К.П. өзүнүн таанышы Сузак районун Көк-Жангак шаарчасынын тургуну 62 жаштагы А.М. аттуу адамдан РГД-5 үлгүсүндөгү 1 даана жардыруучу затын алып, мүрзөгө бекитип койгондугу аныкталган.

Жогорудагы фактынын негизинде Сузак районунун Көк-Жангак шаарчасынын тургуну А.М. аттуу адамдын үйүнө кечиктирилгис тинтүү жүргүзүлүп, тинтүү учурунда үйүнүн короосунда жайгашкан сарайынын ичинде жашыруун түрдө 30 түп “Каннабис” өсүмдүгүн атайын өстүрүп жаткан. Кампасынан капсуласы жок 950 граммга жакын “Аманит” жардыруучу заты жана 12 даана атайын зымдары менен “Детонатордун” капсулалары далил буюм катары алынган.

“Кылмышка шектүүлөр убактылуу кармоочу жайга киргизилишти. Алынган далил буюмдарга тергөө бөлүмчөсү тарабынан экспертизалар дайындалып, тергөө амалдары жүргүзүлүүдө жана ыкчам иш-чаралар алып барылууда”, - деп билдирет Жалал-Абад ОИИБнын басма сөз кызматы.