Жалал-Абад шаарынын тургундарынын арасында ар кайсы ооруларга чалдыккандардын саны 2016-жылы өткөн жылга салыштырмалуу кыйла аз. Бул тууралуу облустук үй-бүлөлүк медицина борборунун директорунун орун басары Хадича Пратова билдирди.

Анын айтмында, 2016-жылдын 6 айы ичинде 48 адамда биринчи жолу кургак учук оорусуна кабылганы аныкталган, анын ичинен балдардын саны жети. Былтыркы 2015-жылы алты айда мындай 3 факты катталган. Флюрографиялык текшерүүдөн өткөн калктын саны 6839 болуп, 95,2 пайызды түздү.

Адамдардын иммундук таңкыстык инфекциясы боюнча 1719 адам текшерилсе, анын ичинен 1710у кош бойлуу аялдар болду. Нптыйжада, бул ооруга чалдыккан 4 адам табылган. Жүрөк-кан тамыр ооруулары менен ооруган бейтаптарга сапаттуу жардам көрсөтүлүп жаткандыгы боюнча мониторинг жүргүзүлгөн, инсульт формасынан жабыркагандар 2015-жылы 2 оорулуу болсо, 2016-жылы мындай учур катталган жок. Ал эми инфарктка былтыр 2 оорулуу дуушар болсо, быйыл 1 оорулуу чалдыккан. Айрыкча энелердин жана балдардын саламаттыгын козөмөлгө алуу күчөтүлгөн. 

- Кан басымы жогору бейтаптардын саны 2015-жылы 1067 болсо, 2016-жылы 1033 болду, анын ичинен биринчи жолу катталганы былтыр 96 болсо, быйыл 65и катталды. Быйылкы 6 ай ичинде энелердин өлүмү катталбады. Балдардын өлүмүн алдын алуу боюнча да штаб түзүлгөн, Өткөн жылдын 6 айында 15 бала каза болуп, көрсөткүчү 13,7 болгон болсо, 2016-жылдын 6 айында 10 бала каза болуп, көрсөткүчү 8,6 болду. Башкача айтканда, көрсөткүч былтыркы жылга салыштырмалуу 5,1ге азайды, -дейт ал.