Сириянын түндүгүндөгү качкындардын лагерине жасалган авиасоккудан 28 адам набыт кетти. Бул тууралуу Улуу Британияда жашаган сириялык укук коргоочулар тобу билдирди.

Бейшембиде Идлиб провинциясындагы Сармада калктуу конушунда жайгашкан лагерге авиасокку урулган. Аны ким жасагандыгын укук коргоочулар азырынча айта алышпайт.

Сирия оппозициясына ыктаган жергиликтүү координациялык комитеттердин мааалыматы боюнча аба чабуулунан кийин лагерде өрт чыккан. Фейсбукта жайгаштырган сүрөттөрдө ондон ашык чатырдын күйүп жаткандыгы көрүнүп турат.