Дүйшөмбү дарыясынын жанында жашаган шаар тургундары бир нече күн ичинде суудан аялдардын дене бөлүктөрүн таап алышты. Бул маалыматты Тажикстандын ИИМи да ырастады. Министрлик эки аялды өлтүрүүгө шектелип үч киши кармалганын билдирди.

Тергөө алгачкы адам өлтүрүү 21-июлда болгонун аныктаган. “Жаш жигиттер 25 жаштагы келинди интимдик кызмат көрсөтүү үчүн чакырышып, бирок акча маселесинен чыккан чырдан улам аны мыкаачылык менен өлтүрүшкөн. Андан соң аялды жиликтеп, полиэтилен баштыкка салып, дарыяга ыргытып жиберишкен”, - деп айтылат укук коргоо мекемесинин билдирүүсүндө.

Шектүүлөр дал ушундай эле ыкма менен 23 жаштагы аялды дагы өлтүрүшкөн.

ИИМдеги булак кабарлагандай, келиндер “түнкү көпөлөктөр” болчу. Учурда шектүүлөр убактылуу кармоо жайына жеткирилди, аларга карата кылмыш иши козголду.