Үстүбүздөгү жылдын 24-июлунда Жалал-Абад шаарынын тургуну 1998-жылы туулган З. кызы М. өз буюмдарын уурдатып жибергендиги тууралуу милицияга кайрылат. Бул кылмышка шектүү  Жалал-Абад шаарынын Курортный көчөсүндө жашаган  25 жаштагы  М.В. кармалып уурдалган буюмдар өз ээсине кайтарылды.

Жалал-Абад ОИИБнын басма сөз кызматынын берген маалыматына караганда, 2016-жылы 24-июлда түнкү саат 02.00 чамасында Жалал-Абад шаарынын Ж.Бакиев көчөсүндөгү үйлөрдүн бирине белгисиз кылмышкерлер киришип, үйүндѳ турган баасы 1200 сомдук DVD  плеер, баасы 10 миң сомдук 1 даана Айфон 5J үлгүсүндөгү кол телефонун жана башка буюмдарын уурдап кетишкен. Натыйжада Замирбек кызы Мадинага бир топ суммадагы материалдык зыян келтиришкен.

Кылмыш изи сууй электе, Жалал-Абад ОИИБнын ПМнын кызматкерлери, Т.Рахманов, А.Абдыгулов, Кашкабай уулу Т, Н.Кочкоров. тарабынан жогорудагы кылмышка шектүү  Жалал-Абад шаарынын Курортный көчөсүндө жашаган  25 жаштагы  М.В. кармалып, уурдалган буюмдар өз ээсине кайтарылып берилген.