15-июлда Ош, Баткен, Нарын, Талас , Каракол шаарларынан келген Жергиликтүү кеңештин төрагалары жана депутаттары Жалал-Абад шаарына келишти. Эки күнгө созулган жолугушуу тажрыйба алмашуу, достук алаканы бекемдөө максатында өтүүдө.

Өлкө башчысы президент Садыр Жапаровдун «Инсандын руханий-адеп ахлактык өнүгүүсү жана дене-тарбиясы жөнүндө» жарлыгынын алкагында өткөрүлүп жаткан расмий жолугушууга Жергиликтүү Өз алдынча Башкаруу Союзунун төрагасы Бектурган Орозбаев , Жалал-Абад шаарынын мэри Эрнисбек Ормоков, Жалал-Абад шаардык кеңешинин төрагасы Нуртилек Орозбаев катышты.

Жолугушууда "Жергиликтүү өз алдынча башкаруу органы жергиликтүү маанидеги социалдык –экономикалык милдеттерди чечүүдө эл менен бийликтин ортосундагы көпүрө” экени айтылып, мындай тажрыйба алмашуулар өз жемишин берээри баса белгиленди.

Келген конокторго Жалал-Абад шаардык кеңешинин аткарган иш-аркеттери, шаардын өсүп-өнүгүүсү, социалдык-экономикалык абалы туурасында даярдалган видеоролик көрсөтүлдү. Атайын программага ылайык, аймактардагы шаарлардан келген эл өкүлдөрү Жалал-Абад курортуна жана Курманбек баатырдын күмбөзүнө зыярат жасашты.

Шаардык мэриянын маалымат борбору.