Жалал-Абад шаарынын 2016-жылдын 6 айынын бюджетинин киреше бөлүгүнүн жалпы такталган планы 183 миллион 618,6 миң сом, аткарылганы 189 миллион, 178,1 миң сом болуп, 103 пайызга аткарылып, 5 миллион, 559,4 миң сомго көп түшкөн. Бул тууралуу маалыматты Жалал-Абад шаардык мэриясынын жергиликтүү экономикалык өнүктүрүү бөлүмүнүн башчысы Салижан Умаров билдирди.

Анын айтымында, мунун ичинен жалпы салык жана салык эмес кирешелердин такталган планы 153 миллион, 453 миң сом болуп, 158 миллион 47,4 миң сом түшүп 103,3 пайызга  аткарылды, же болбосо 5 миллион 94,4 миң сомго көп түштү.

“Атайын төлөм каражаттары боюнча такталган план 30 миллион, 165,6 миң сом, аткарылганы 30 миллион, 630,7 миң сомду түзүп, 101,5 пайызга аткарылды. 2016-жылга республикалык бюджеттен каражат түшкөн жок,-дейт ал.