Үстүбүздөгү жылдын биринчи жарым жылында тартылган инвестиция жалпысынан   1 миллиард, 144,8 миллион сомду түзүп, өткөн жылдын ушул мезгилине салыштырмалуу өсүү темпи 100,1пайызды түзгөн. Бул тууралуу Жалал-Абад шаардык мэриясынын жергиликтүү экономикалык өнүктүрүү бөлүмүнүн башчысы Салижан Умаров алты айдын жыйынтыгын чыгарган коллегияда билдирди.

Анын айтымында, тартылган инвестициялардын ичинен ички инвестиция каражаты 1 миллиард, 123,9 миллион  сомду, ал эми  тышкы инвестиция 24,1 миллион сомду түздү.

Шаар аймагынын түрдүү тармактарына  тартылган инвестициялардын эсебинен жалпы шаар аймагында 454 жаран иш менен камсыз болуп, 125 жаны ишканалар ачылды. Анын ичинен 60 жеке ишкерлер  жана 65 юридикалык ишкана ишин жүргүзүдөө. Дүйнөлүк финансалык  жана экономикалык кризис өнөр жай жана социалдык тармактарында  инвестициялардын көлөмүнүн азайышына алып келүүдө.

“2016-жылдын биринчи жарым жылдыгында  мэриянын экономикалык өнүгүү бөлүмүнүн адистери жана шаардын өнөр жай ишканаларынын жетекчилери менен биргеликте акча каражатынын көлөмү  1 миллиард 242,5 миллион сомдук 7 инвестициялык долбоорлор иштелип чыгылып, аларды  облустук мамлекеттик администрациясына, КР Экономика министирлигинин Түштүк регионалдык башкармалыгынын Жалал-Абад облусу боюнча бөлүмү тарабынан  Кыргыз-Орус өнүгүү фондусунун кредиттик бөлүмүнө жана донордук уюмдарга жөнөтүлдү”, - дейт С. Умаров.