Таш-Көмүр шаарынын тургуну 60 жаштагы тургун өз үйүнүн короосунда өстүрүүгө тыюу салынган  кара куурай өсүмдүгүн  атайын сугарылып  өстүрүп жаткандыгы тууралуу оперативдүү маалыматты Таш-Көмүр ШИИБнүн баңги затты мыйзамсыз жүгүртүүгө каршы күрөшүү тобунун кызматкери аныктаган.

Жалал-Абад ОИИБнын басма сөз кызматынын берген маалыматына караганда,  аныкталган маалыматтын негизинде  Таш-Көмүр  шаарынын милиция кызматкерлери  тарабынан  аталган тургундун үйүнүн короосуна, соттун санкциясы менен калыстардын катышуусунда тинтүү жүргүзүлгөн.

Тинтүүнүн негизинде 2016-жылдын 21-июль күнү  А.Кдин үйүнүн короосуна барган кезде милиция кызматкерлер жана калыстардын катышуусунда атайын суугарып, карап  өстүрүлгөн жалпы 17 түп кара- куурай  табылып, өсүмдүктүн салмагы болжол менен 25-30 килограммды түзгөн.

Ошондой эле, үйүнүн ичинен мындан тышкары 15 грамм кургатылган марихуана  баңги затын  үй ээси өз ыктыяры менен  алып чыгып берген. Милиция кызматкерлери кошумча  үйүн текшерген учурда  үй эмеректин (шифонердин) ичинен жалпы салмагы 200 гр марихуана баңги заты жана өстүрүп жүргөн кара-куурайдын уруктары  ак түстөгү баштыкчада  (кленкада)табылган.

Бул факты боюнча кылмыш иши козголуп, алынган заттарга соттук-химиялык экспертизалар дайындалып тергөө амалдары жүргүзүлүүдө.