Кечээ, 20-июль күнү саат 12.00 чамасында ыкчам маалыматтардын негизинде Таш-Көмүр ШИИБнүн кызматкерлери Шамалдуу-Сай шаарчасына бурула бериш жердеги аялдаманын күн чыгыш тарабындагы Бишкек-Ош  жолундагы эгин талаада, Бишкек шаарынын тургуну 42 жаштагы К.А өзгөчө жыты бар (кара куурай) өсүмдүктөрүн терип жүргөн жеринен кармалган.

Жалал-Абад ОИИБнын басма сөз кызматынын берген маалыматына караганда, ал өзгөчө жыты бар өсүмдүктөрүн эгин талаанын арасында өсүп турган болжол менен 15 килограммга жакын өсүмдүгүн, ак мүшөккө терип  алган. Кармалган атуул өзгөчө жыты бар өсүмдүгүн терип кургатып алып, сатууга камданган. К.А буга чейин бир нече уурулук менен кармалып, Бишкек шаарында соттолгон.

“Учурда терип алган  кара куурай өсүмдүгүнө соттук химиялык экспертиза дайындалып, тергөө иштери жүргүзүлүүдө.  Ал эми К.А Таш-Көмүр ШИИБнүн убактылуу кармоочу жайына киргизилген”, - деп билдирет басма сөз кызматы.