Үстүбүздөгү жылдын март айына карата Жалал-Абад облусунун аймагындагы медициналык мекемелерде жалпы 260 даана кычкылтек концентраторлору болсо, азыркы учурда алардын саны 596га жетти.

Тургундардын өмүрүн сактоодо камсыздалган бул зарыл каражаттарды сатып алууга  демөөрчүлөрдүн жана абалга кайдыгер карабаган жеке ишкерлердин салымы чоң болууда.

Алсак, 159 даана жеке ишкерлердин, 11 даана Кыргыз Республикасынын Жогорку Кеңешинин депутаттарынын, 53 Саламаттыкты сактоо министрлиги, 3 даана “Жалалабатэлектро” ААК, 15и республикалык бюджеттин эсебинен, 7 тоо кен компаниясы, 3 даана “Мегаком” компаниясынын  колдоосу менен алынган.

Азыркы учурда облустун район-шаарларындагы ооруканаларга алынган кычкылтек концентраторлорунун саны:

-Аксы району - 90;

-Ала-Бука району - 35;

-Базар-Коргон району - 61;

-Ноокен району - 81;

-Сузак району - 85;

-Тогуз-Торо району - 27;

-Токтогул району - 27;

-Чаткал району - 28;

-Кара-Көл шаары - 13;

-Майлуу-Суу шаары - 15;

-Таш-Көмүр шаары - 24.

-Жалал-Абад шаарындагы облустук клиникалык ооруканасында 100, ал эми шаарда ачылган күндүзгү стационарларда 10 даана кислороддук концентраторлор иштөөдө.

Аймакта оорунун жайылуу коркунучун алдын алуу менен керектүү каражаттарды камсыздоо аракеттери тынымсыз улантылып жатат. Белгилей кетсек, азыркы мезгилде Жалал-Абад облусунда коронавирус илдетине жалпы 904 адам кабылды.

Жалал-Абад облусунун аймактарында жалпы 141 күндүзгү стационарлар ачылган болсо, аларда 2 миң 298 керебет бар. Бүгүнкү күнгө чейин 18 миң 922 бейтап кайрылган. Ал эми аталган жайлар акыркы суткада 1595 кишини кабыл алды. Учурда оор абалдагы бейтаптардын саны  25. Илдеттен жалпы 87 адам каза болду.

Андыктан ооруунун таралуу кооптуулугу дагы да сакталып жаткандыктан, тургундарды белгиленген санитардык эрежелерди так сактоого чакырабыз!