Коронавирус менен күрөшкөн дарыгерлер.

Кыргызстанда соңку бир суткада 26 медициналык кызматкер коронавирус жуктуруп алганы аныкталды. Саламаттык сактоо министри Сабиржан Абдикаримов 22-июндагы брифингде билдиргендей, алар төмөнкү аймактарда иштешет:

• Бишкек шаарында – 6
• Чүй облусунда – 3
• Ош шаарында – 2
• Ош облусунда – 4
• Баткен облусунда – 2
• Ысык-Көл облусунда – 6
• Нарын облусунда – 2
• Талас облусунда – 1

Жалпысынан COVID-19 диагнозу 582 медицина кызматкерине коюлган. Алардын экөө каза болуп, 387си айыккан.

Кыргызстанда коронавируска кабылгандар алгач 18-мартта аныкталган. Андан бери илдетти жуктуруп алгандардын саны 3356га жетип, 40 киши көз жумду, 2021и сакайды.

"Азаттык" үналгысы