Аксы РИИБнүн Кылмыш иликтөө жана Баңги затты мыйзамсыз жүгүртүүгө каршы күрөшүү тобунун кызматкерлери менен биргеликте  19-июль күнү саат 17:00 чамасында, алынган ыкчам маалыматтардын негизинде Аксы районунун Кербен шаарында “Хонда Стрим” үлгүсүндөгү автоунааны текшерген учурда, өзүнүн жанынан SKS«Домино 308» үлгүсүндөгү күжүрмөн (боевой) револьвер тапанча, анын ичинде 2 даана огу жана автоунаанын ичинен 17 грамм салмактагы  “гашиш” баңги заты  алынган.

Жалал-Абад ОИИБнын басма сөз кызматынын берген маалыматына караганда, кармалган жаран 22 жаштагы Кара-Көл шаарынын тургуну экендиги аныкталып, КР КЖКнин 246-статьясынын 3-бөлүмү менен кылмыш иши козголуп, шектүү катары убактылуу кармоочу жайга киргизилди.

Учурда  ок атуучу куралды кайдан алганын жана башка кылмыштарга тиешеси бар же жок экени боюнча ыкчам териштирүү тергөө амадары жүргүзүлүүдө. Ошондой эле, алынган далил буюмдарга тиешелүү экспертизалар дайындалды.