Ала-Бука району. 9-май 2020-жыл.

Район борборундагы жеңиш монументинде өткөн чакан салтанатта жергиликтүү бийлик ардагерлерге “Ваз 2107” автоунаасын тапшырды. Бул тууралуу райондун акими Эмилбек Абдыкадыров “Азаттыкка” билдирди.

“Айры-Там айылынын тургуну Насирдин Нармырзаев менен Баймак айылынын жашоочусу Аскар Хайдаров быйыл 94 жашка толду. Райондогу мекеме, ишканалардын жетекчилери жана Балтагулов жана 1-май айылдык кеңешинин депутаттарынын колдоосу менен эки ардагерге автоунаа тапшырдык. Ардагерлер менен катар эле оорукта эмгектенген энелерге да белектер тапшырылды”, - деди Абдыкадыров.

Жалал-Абад облусунун аймагында учурда 31 согуштун ветераны, 59 тылда эмгектенген ардагерлер калды.

"Азаттык" үналгысы.