Жалал-Абад  шаарындагы “Динамо”  спорт  ордосунда Кыргызстандын  футзал  боюнча  Өлкө кубогуна 6 региондон командалар беттешүүдө.

Кыргызстандын футзал лигасынын президенти Ырыскелди Мусаевдин берген маалыматына караганда, мелдеш 4-5-6-май күндөрү болот. Мелдешке Бишкек, Жалал-Абад шаарларынан, Баткен, Ош, Талас, облустарынан жана Сузак районунан командалар келишкен.

“Жылда футбол боюнча республикалык кубок ар бир облуста өткөрүлүп турат. Быйыл шартка байлаыштуу командалар аз катышып жатышат. Мелдешке келген 6 команда эки топко бөлүнүп алып, жарым финалга мелдешет. Жарым финалда утуп чыккан эң мыкты командалар эртең беттешип, утуп чыккандары 1-2 орун үчүн күч сынашат”, - деди Ы.Мусаев.