Казакстанда саламаттык сактоо министринин мурдагы орун басары Камалжан Надыров коронавирус инфекциясын жуктуруп алды. Алматы шаарындагы эпидемиологиялык абалга байланыштуу ал коомдук ден соолукту сактоо башкармалыгынын жетекчиси болуп дайындалганы жаткан.

Казакстандын саламаттык сактоо министри Елжан Биртанов билдиргендей, Надыров 21-апрель күнү кечинде ооруканага жаткырылды. Башкармалыкты буга чейин “өз каалоосу менен” кызматтан кеткен Тлеухан Абилдаев жетектеп калды.

Соңку маалыматтар боюнча Каакстанда вирус жуктурган эки миңден ашуун кишинин 680и алматылыктар. Алматы шаардык клиникалык ооруканасынын 300дөй кызматкери илдетке кабылып, COVID-19дун очогу болуп калды. Алматы балдар инфекциялык ооруканасы, № 12 бейтапкана да карантинге жабылган.

Казакстанда коронавирус инфекциясын жуктургандардын 30 пайызы медицина кызматкерлери. Кече саламаттык сактоо министри 589 медиктен вирус аныкталганын билдирген.