Үстүбүздөгү жылдын 14-июлунда Жалал-Абад ОИИБнын Кылмыш иликтөө бөлүмүнүн кызматкерлери  тарабынан жүргүзүлгөн ыкчам иш аракеттеринин натыйжасында, облус аймагында 14 кылмыш фактыларына тиешеси бар издөөдө жүргөн Ноокен районунун Шайдан айыл аймагынын Бирдик айылынын тургуну  26 жаштагы А.Т кармалды.

Жалал-Абад ОИИБнын басма сөз кызматынын берген маалыматына караганда, бул жаран Майлуу-Суу шаардык ички иштер бөлүмү тарабынан  КЖКнин 353-беренеси менен кылмыш иши козголуп издөөдө жүргөн.

Буга чейин Жалал-Абад, Майлуу-Суу, Таш-Көмүр, Сузак, Базар-Коргон  Ноокен аймактарында жүрүп ар кандай уурулук жасагандыгы аныкталып жалпысынан 14 фактыга тиешеси бар экендиги далилденип кылмыштын бети ачылды.

Мисалга алсак, үйдөгү зергер буюмдарды, үй буюмдарын, компьютер жана башка буюмдарды уурдаган. Мындан сырткары, анын Бишкек шаарында жасаган эки кылмыш иши аныкталып, далил буюмдары (уурдалган мотоцикл)  алынган.

“Уурдалган буюмдардын жалпы суммасы  800 000 сомду түзгөн. Азыркы учурда  кылмышкер убактылуу кармоочу жайда кармалып, тергөө амалдары жүргүзүлүп жатат. Сот тарабынан санкция берилип 2 айга камака алынды”, - деп билдирет басма сөз кызматы.