Б.Осмонов атындагы Жалал-Абад мамлекеттик университетинин жетекчиси Кенешбек Усенов баштаган эмгек жатааты жана студенттер менен биргеликте Жалал-Абад шаарында жашаган 750 муктаж үй-бүлөлөргө азык-түлүк салынган баштыкчаларын таркатып беришти.

«Күнүмдүк тамак-ашка колдонуучу азык-түлүктөрдөн картошка, пияз, сабиз, кумшекер, ун, май жана макарон салынган баштыктар колдоого муктаж үй-бүлөлөргө берилди.

Шаардык мэрия тарабынан атайын жардамга муктаж 750 жарандардын тизмемси алынып, жалпы 700 миң сом өлчөмүндөгү каражатка азык-түлүк сатылып алынган. Бул менен эле чектелип калбайбыз, биримдик жана ынтымак менен ооруну жеңебиз!» - деген оюн жарандар менен жолугушуу учурунда ЖАМУнун ректору Кеңешбек Усенов билдирди.

Белгилей кетсек, буга чейин Б. Осмонов атындагы Жалал-Абад мамлекеттик университетинин эмгек жамааты бир күндүк эмгек акысын COVID -19  вирусу менен күрөшүү фондуна 450 миң сом акчалай каражат бөлүп берген. Андан сырткары чет элдик студенттер тарабынан 100 миң сом Жалал-Абад шаардык мэриясынын казынасына жардам катары берилген.