Иллюстрациялык сүрөт.

АКШдагы Жон Хопкинс университетинин маалымат базасы көрсөткөндөй, 11-апрелге карата COVID-19 вирусу 1,7 миллион кишиге жукту. Бул илдеттен 102 миңден ашык адам каза болду.

Испания, Франция, Италия, Британияда вирустан күн сайын жүздөгөн адам өлүп жатат. Ушул күнгө чейин Европада 64 миң адам коронавирустан көз жумду.

АКШда 18 700 киши COVID-19 вирусунан каза болуп адам өлүмү боюнча Италияга жакындап калды. Вирусту жуктургандар 500 миң кишиден ашты. Бул дүйнө боюнча эң жогорку көрсөткүч.

11-апрелге карата Кыргызстанда коронавирус дагы 41 адамдан табылды. Ошентип, республика боюнча бул илдетке чалдыккандардын жалпы саны 339 кишиге жетти, каза болгондор - бешөө. 44 бейтап айыгып чыкты.

"Азаттык" үналгысы