Коронавирустун жайылышына каршы дүйнөнүн көпчүлүк өлкөлөрүндө киргизилген карантин шартында үй-бүлөлүк зомбулук учурларынын саны кескин көбөйдү. Бул тууралуу Бириккен Улуттар Уюмунун (БУУ) баш катчысы Антониу Гутерриштин «Твиттерге» жарыяланган видеокайрылуусунда айтылат.

António Guterres✔@antonioguterres

Peace is not just the absence of war. Many women under lockdown for #COVID19 face violence where they should be safest: in their own homes.

Today I appeal for peace in homes around the world.

I urge all governments to put women’s safety first as they respond to the pandemic.

4 059

04:30 - 6 апр. 2020 г.

Информация о рекламе в Твиттере и конфиденциальность

2 336 человек(а) говорят об этом

«Акыркы жумаларда экономикалык жана социалдык басымдын күчөшү менен үй-бүлөдөгү зомбулук болуп көрбөгөндөй көбөйгөнүн көрүп жатабыз. Изоляция зарылдыгынан улам айрым аялдар катаал мамиле кыла турган өнөктөштөрү менен бетме-бет калышты. Айрым өлкөлөрдө колдоо кызматтарына кайрылган аялдардын саны эки эсеге өстү», — деди Гутерриш.

Баш катчы бул маселени чечүү үчүн бийлик өкүлдөрү зомбулук курмандыктарын колдоо менен алектенген бейөкмөт уюмдарды каржылоону күчөтүшү керектигин белгиледи. Мындан тышкары дарыканалар менен азык-түлүк дүкөндөрүндө коркунуч тууралуу кабар бере турган авариялык системаларды орнотууну сунуштады.

Айрым маалыматтар боюнча ушу тапта дүйнө боюнча калктын үчтөн бири же 2,6 миллиард киши карантин шартында жашап жатат.