Өзбекстанда Экинчи дүйнөлүк согуштун катышуучуларына жана майыптарына 10 миллион сум ($ 1000) өлчөмүндө сыйакы берилет. Тиешелүү токтомго президент Шавкат Мирзиёев кол койду.

Документ Жеңиштин 75 жылдыгына карата согуштун катышуучуларын жана майыптарын материалдык жактан колдоо иретинде кабыл алынган.

Былтыр Өзбекстанда согуш ардагерлерине 7,5 миллион ($750), 2018-жылы 5 миллион ($500), 2017-жылы 2 миллион сум ($200) берилген.

Ушул тапта канча ардагердин көзү түрүү экени расмий түрдө айтыла элек. 2019-жылы алардын саны 878 болгон.

Экинчи дүйнөлүк согуш маалында Өзбекстандан 1,5 миллион киши фронтко кеткен, алардын ичинен 420 миңи кайтып келген эмес, 640 миңи жаракат алган.