Бүгүн, 19-февралда Жалал-Абад шаарындагы Курманбек стадионунда өткөн эл аралык футболдук беттеште Кочкор-Атанын “Нефтчи” футбол командасы Тажикстандын “Хужанд” командасын 1:0гө утуп, жеңишти камсыздады.

АФК кубогуна тандап алуу баскычынын  алкагында өткөн беттештин 1-бөлүмүндө бир нече кооптуу учурлар болгону менен эсеп ачылбай, командалар тыныгууга 0:0 эсебинде чыкты.

Ал эми 2-таймдын 51-мүнөтүндө “Нефтчи” командасы эсепти ачып, алдыга чыкты. Ал голду 25-номурдагы оюнчу Александр Игнатенко киргизди. Андан кийин “Нефтчи” оюнчуларында эсепти өзгөрткөнү дагы 3 жакшы учур болгону менен пайдалана албады.

Ошентип, эки команданын 1-беттеши 1:0 эсебинде “Нефтчи” пайдасына аяктады.

Эми жооптук беттеш 26-февраль күнү Тажикстанда өтөт.