Жалал-Абад шаарында өлкөнүн түштүк аймагындагы жаштардын башын бириктирген үч күндүк окутуу семинар өтүүдө.

Ага Ош, Баткен жана Жалал-Абад облустарынын  60ка жакын  жаштар катышып жатат. Иш-чарадан коомдогу гендердик нормалар жана үй-бүлөдөгү зордук-зомбулуктардын алдын алууда, жаштардын билимин жогорулатуу максатын көздөгөн. Жолугушууда жаш өспүрүмдөр өлкө  аймактарындагы ар түрдүү  маселелер боюнча талкууларды жүргүзүп, ой-пикирлери менен да бөлүшүүдө.

Үч күн аралыгында алар окуу менен гана чектелип калбай, балдар психологу жана педагог Асылбек Жооданбеков тарабынан  бош убактыларын туура пайдалануу боюнча кеңештерди алууда.

Белгилей кетсек, иш-чара "Абад" коомдук фонду тарабынан"Жашстан-2" долбоорунун алкагында уюштурулду.  Иш чарага “Жаш Ниет” жана “Тынчтык Демилгелери” уюмдары менен өнөктөштүктө биргеликте өткөрүлүп жатат.