8-январь күнү эртең менен Тегеран аэропортунан көтөрүлгөн Украинанын «Боинг» учагын көздөй эки ракета кое берилген. Бул учур тартылган видеокөзөмөл камераларындагы тасма социалдык түйүндөргө жарыяланды.

The New York Times басылмасынын иликтөөчү журналисттери видеонун аныктыгын ырасташты.

The New York Times✔@nytimes

Exclusive: Security camera footage verified by the New York Times confirms that 2 missiles, fired 30 seconds apart from an Iranian military site, hit the Ukrainian planehttps://nyti.ms/2ToOnG4 

New Video Shows Two Iranian Missiles Hit Ukrainian Plane

Security camera footage verified by The New York Times shows that two missiles fired 30 seconds apart took down Flight 752, killing all aboard.

nytimes.com

2 532

01:04 - 15 янв. 2020 г.

Информация о рекламе в Твиттере и конфиденциальность

2 164 человек(а) говорят об этом

Анда болжол менен 30 секунддун ичинде эки ракета учурулуп, экөө тең бутага таамай тийгенин көрүүгө болот. Учак дароо жарылган эмес, ал өрт тутангандан бир нече мүнөт өткөндөн кийин кулап түшкөн. Анын ичиндеги 176 адамдын бардыгы мерт болгон. Иран бийлиги төрт күндөн кийин учакты кокустан атып алганын мойнуна алган.

Бул учур Ислам революциясынын сакчылар корпусунун базасынан бир нече чакырым алыстыкта жайгашкан айылдагы үйлөрдүн биринин чатырындагы видеокөзөмөл камерасына түшүп калган. Ракеталар Орусиянын өндүрүшүндөгү «Тор» зениттик-ракеталык комплексинен кое берилген.

Шейшемби күнү Ирандын FARS агенттиги ракетанын учакка тийгени тартылган биринчи видеонун автору камакка алынганын кабарлады. Ал Тегеран учакты кокустан атып алганын мойнуна ала электе эле интернетке таркап кеткен. Ал ортодо видеону алгачкы болуп социалдык түйүнгө жайгаштырган активист Нариман Гариб аны берген Ирандагы булак коопсуз жерде экенин, бийлик башка адамды кармаганын билдирди.