Төрөлгөндөн кийин тийиштүү документтери жок балдар мамлекет тарабынан көрсөтүлүүчү социалдык жана медициналык жардамдарды алуусуна көйгөйлөр  жаралып келет. Буга чейин Жалал-Абад шаардык социалдык өнүктүрүү башкармалыгы шаардык мэрия менен биргеликте 56 балага туулгандыгы тууралуу күбөлүк алынып берүүгө көмөктөштү.

Тийиштүү тармактардын кызматкерлери тарабынан шаар аймагында үймө-үй кыдыруу жүргүзүлгөн. Анын натыйжасында ар түрдүү себептер менен балдарына  туулгандыгы тууралуу күбөлүк алуу көйгөйлөрү бар үй-бүлөлөр аныкталган.  Өткөрүлгөн иш аракеттердин жыйынтыгында атайын соттун чечими менен күбөлүктөрдү  алууга жетишилген. 

Жалал-Абад шаардык эмгек жана социалдык өнүгүү башкармалыгынын кызматкерлеринин кыдырууларынын алкагында 2018-жылы 49, ал эми 2019-жылы жалпы 40 баланын туулгандыгы тууралуу күбөлүгү жок  болуп чыккан.

Бул багыттагы көйгөйлөрдөн арылуу максатында,  жардамга муктаж үй-бүлөлөргө жергиликтүү бийлик органдары тарабынан жеткиликтүү иш аракеттер алып баруусу  боюнча  Кыргыз Республикасынын Өкмөтү тарабынан атайын токтом кабыл алынган.