Кечээ, 14-июлда депутаттардын Жалал-Абад шаардык кеңешинин кезектеги сессиясы болуп, анда шаардык бюджеттин 2015-жылдагы аткарылышын, шаардын аткаруу бийлигинин өткөн 2014-2015-жылдары аткарган иштерин карап чыгышты. Бул тууралуу шаардык мэриядан билдиришти.

Сессияда шаар мэри Салайдин Авазов эки жыл боюу аткарылган иштер тууралуу кенен отчёт берди. Ошондой эле, депутаттардын бир катар суроолоруна мэр тарабынан жооптор берилди. Жыйынтыгында, Жалал-Абад шаарынын мэриясынын 2014-2015-жылдары аткарган иштерин шаардык кеңештин депутаттары канааттандырарлык деп табышты.

Эскерте кетсек, Жалал-Абад шаарында өткөн жылы инфраструктуралык ири курулуш жана бурулуш жылы болгон. Ал эми быйылкы жылы ушундай эле инфраструктуралык курулуштар өткөн жылдагыдан 4-5 эсе көп пландаштырылган, же болбосо 120 миллион сомдук жакшыртуу иштери алып барылмакчы.