Пакистан аскер командачылыгынын маалыматы боюнча талиптердин лидери болгон Умар Мансур Ооганстандагы америкалык учкучсуз учактын чабуулунан кийин тындым болду. Ал  2014-жылы жоочуларды кадеттик мектепке кол салууга шыктандырган, натыйжада 150дөй адам мерт кеткен, көбү балдар эле.

Пентагон 13-июлда талиптердин лидери Халиф Умар Мансур жана дагы төрт согушкер Нангархар провинциясындагы аба чабуулунан тындым болгонун тастыктады.

Умар Нарай жана Халид Хурасани ысымдары менен да белгилүү болгон Мансур жанкечтилерди Пешевардагы мектепке жөнөтүүдө жоопкерчиликти моюнуна алган. Мерт болгон 150 адамдын ичинен 144ү балдар болгон. Ал мындан тышкары быйыл Пакистандын түндүк-чыгышындагы университетке кол салууну пландаган. Анда 21 киши– студенттер менен окутуучулар курман болгон.