Елизавета II Дэвид Камерондун отставкасын кабыл алган соң, консервативдик партиянын лидери Тереза Мэй расмий түрдө Улуу Британиянын премьер-министри болуп дайындалды.

Мэй акыйкатсыздык менен күрөшүүгө жана Евробиримдиктен чыккандан кийин “мыкты Улуу Британияны курууга” сөз берди. Ал мындан тышкары альянстан чыгуу үчүн добуш берген Англия менен Уэльс жана мүчөлүктү сактап калуу ниетин көздөгөн Шотландия менен Түндүк Ирландия ортосундагы ажырымды жоюп, биримдүүлүктү сактап калууга умтуларын айтты.

Ал ошондой эле Улуу Британияда 23-июлда референдум өткөндөн кийин туруксуз абалга кептелген каржы базарын тынчытууга аракет жасайт. Анын өкмөтүндө жаңы пост– ЕБдан чыгуу боюнча сүйлөшүүлөрдү жүргүзүү боюнча министрлик кызматы пайда болот.

Еврокомиссия төрагасы Жан-Клод Юнкер Мэйди тезинен Брюссель менен кеңешмелерди өткөрүүгө чакырды. Буга чейин жаңы премьер-министр 2017-жылга чейин Евробиримдикти түзүү боюнча Лиссабон келишиминин 50-беренесин жокко чыгарууну жылдырууну демилгелеген. Бул Евробиримдиктен расмий түрдө чыгуунун башталышын билдирет. Жараян эки жылдан ашык убакыт албашы керек.