18-декабрда Ташкентте нөшөрлөгөн жаандын айынан Юнусабад метро линиясындагы курулуш аянтчасында 250 метр куб топурак урап түштү.

Өзбекстан Өзгөчө кырдаалдар министрлиги, Ташкент акимчилиги жана окуя болгон жерде иш жүргүзүп жаткан курулуш компаниясы өтмөктү тазалоону баштады. Келтирилген чыгым аныкталууда.

Саламаттык сактоо министрлиги жабыркагандар жок экенин билдирди. Бирок аварияга күбө болгон 44 жаштагы киши катуу стерсс алган. Учурда ага медициналык жардам көрсөтүлүүдө.

Ошол эле маалда айрым жергиликтүү басылмалар урандынын алдында 5-6 киши калган болушу ыктымал экенин жазышууда. Gazeta.uz басылмасы өз булактарына таянуу менен издөө-куткаруу жумуштары учурунда эки кишинин сөөгү табылганын билдирди. Бирок бул маалымат расмий түрдө тастыктала элек.

Ташкент шаарынын Юнусабад районунда өтмөк салынып, аны суудан сактоо үчүн бетон ноо төшөлүп жаткан. Нөшөрлөгөн жамырдан кийин дал ошол ноодон суу ашып, туннелди каптап калган.