Дональд Трамп

АКШ президенти Дональд Трамп Сириянын түндүк-чыгыш райондорунан америкалык аскерлерди чыгаруу тууралуу комментарий берип жатып, америкалык аскерлерди үйгө кайтаруу зарыл экенин билдирди.

Президенттин айтымында, Түркия менен Европа өлкөлөрү “Ислам мамлекети” экстремисттик тобунун барымтага алынган мүчөлөрүнүн андан аркы тагдыры тууралуу маселени өз алдынча чечиши керек.

Трамп эгер Түркия ага жакпаган кадамдарга барса, бул өлкөнүн экономикасын талкалап, жок кыларын айтты:

– Мен мурда да баса белгилегем, азыр да айтам: эгер Түркия болбогон иштерди жасаса, мен улуу жана эч кимге теңдеши жок даанышмандыгым менен муну аша чапкандык деп эсептеп, Түркиянын экономикасын толугу менен талкалап, жок кылам (мен муну мурда да жасагам).

Donald J. Trump

✔@realDonaldTrump

As I have stated strongly before, and just to reiterate, if Turkey does anything that I, in my great and unmatched wisdom, consider to be off limits, I will totally destroy and obliterate the Economy of Turkey (I’ve done before!). They must, with Europe and others, watch over...

126 тыс.

21:38 - 7 окт. 2019 г.

Информация о рекламе в Твиттере и конфиденциальность

153 тыс. человек(а) говорят об этом

Трамптын каршылаштары Сириянын түндүк-чыгыш райондорунан америкалык аскерлерди чыгарып кетүү АКШнын өнөктөштөрүн, Сирия демократиялык күчтөрүн коркунучка кептеп, “Ислам мамлекети” экстремисттик тобу менен болгон күрөштү татаалдаштырат деп эсептешет.

Адатта Трампты колдоп жүргөн республикачыл-сенатор Линдси Грэм да бул сапар президенттин Сирия боюнча чечимин айыптаган.

6-октябрда АКШ президенти Түркия президенти менен телефондо сүйлөшкөн. Сүйлөшүүлөрдүн жыйынтыгы менен Трамп Сириянын түндүгүндө аскердик операция жүргүзүүдө Эрдоганды колдобой турганын айткан. Трамптын билдиришинче, америкалык аскерлер бул операцияга катышпайт.