Бүгүн, 9-сентябрда Жалал-Абад шаарында комуз күнү салтанаттуу түрдө белгиленди. Бул тууралуу шаардык мэриянын маалымат борбору билдирди.

Барпы драма театрынын алдында комуз күүлөрү жаңырып, саамалык сахналаштырылган көрүнүштөр менен коштолду. Иш-чарага Жалал-Абад шаарынын вице-мэри Руслан Алтымышев, аксакалдар, студенттер, мектеп окуучулары жана шаар тургундары катышты. Бул иш-чарада жүзгө чукул жаш комузчулар залкар күүлөрдү чертип, майрамдык маанай тартуулашты.

Комуз күнүнүн алкагында мындан тышкары жогорку жана орто окуу жайларында атайын-кароо сынактар өткөрүлүүдө. Бул аркылуу кыргыздын улуттук музыкалык аспабын даңазалоо колго алынууда.