Үстүбүздөгү жылдын 23-24-августтарында туруксуз аба-ырайы күтүлөт: Мезгил-мезгили менен жаан жаап, күн күркүрөшү, бийик тоолуу райондордо кар жаашы күтүлөт. 23-24-августтарда Чүй, Талас, Жалал-Абад, Ысык-Көл, Нарын облустарынын кээ бир райондорунда жаан-чачын катуу жаашы күтүлөт. Бул тууралуу ӨКМнин басма сөз кызматы билдирет.

Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши күтүлөт. Абанын температурасы бир аз төмөндөйт.

 Мындай туруксуз аба ырайы айыл чарба иштерин, автоунаа, энергетика жана коммуналдык кызматтардын ишин жана жайыттарда малды кармоону кыйындатат.

 2019-жылдын 23-24-августтарында күтүлүп жаткан нөшөрлүү жаан-чачынга байланыштуу Ысык-Көл облусунун тоолуу жана тоо этектериндеги райондорунда сел жүрүшү мүмкүн.

 22-26-августтарда 22-августта түнкүсүн жаан-чачын күтүлбөйт.

 22-августта күндүз жана 23-августта түнкүсүн Чүй, Талас, Ош, Жалал-Абад, Ысык-Көл, Нарын облустарынын кээ бир райондорунда жаан жаап, күн күркүрөшү, бийик тоолуу райондордо кар жаашы күтүлөт.

Баткен облусунда жаан-чачын күтүлбөйт.

 23-августта кундүз жана 24-августта көпчүлүк аймактарда мезгил-мезгили менен жаан жаап, күн күркүрөшү, бийик тоолуу райондордо кар жаашы күтүлөт. Чүй, Талас, Жалал-Абад, Ысык-Көл, Нарын облустарынын кээ бир райондорунда жаан-чачын катуу жаашы күтүлөт.

 25-августта түнкүсүн Ысык-Көл, Нарын облустарынын кээ бир райондорунда жаан-жаап, күн күркүрөшү, бийик тоолуу райондордо кар жаашы күтүлөт, калган аймактарда жаан-чачын күтүлбөйт.

 25-августта күндуз жана 26-августта жаан-чачын күтүлбөйт.

 Батыштан соккон шамалдын ылдамдыгы секундасына 4-9 метрден, 22-24-августтарда кээ бир райондордо 15-20 метрге жетиши күтүлөт.

27-28-августтарда тоолуу райондордо өткүн өтүп, күн күркүрөшү, бийик тоолуу райондордо кар жаашы күтүлөт, дыйканчылык аймактарда жаан-чачын күтулбөйт. Абанын температурасы жогорулайт.