Үстүбүздөгү жылдын 4-июль күнү саат 15-00 чамасында Жалал-Абад шаарынын Ленин көчөсүндө жайгашкан “Асел” фото салонунун тушунда Сузак районунун Ынтымак айылынын тургуну 1996-жылы туулган С.Уну бейтааныш азият улутундагы 20-25- жаштардагы 4 атуул уруп, бычак менен көкүрөгүнүн сол бөлүгүнүн колтук тарабына сайып, денесине жараат  келтирген (непроникающий). Окуя болгон учурда патрулдук милициянын экипажы өз убагында жетип барып куткарып калган.

Бул окуя боюнча кылмыш изин суутпай шектүү болгон 4 атуулду кармашкан. Алар Спутник кичи шаарчасынын  1997-жылкы балдар экендиги аныкталып, кылмыш иши козголуп, бычак сайган бала убактылуу кармоо изоляторуна киргизилди. Калган 3 бала үй камагында.

“Ал эми жабырлануучуга соттук медициналык экпертиза дайындалып, ооруканада жатат. Дарыгерлердин айтуусунда анын ден-соолугу (канааттандырарлык) жакшы абалда”, - деп билдирет басма сөз кызматы.

Эске сала кетсек, Жалал-Абад облусунда патрулдук милиция 2-июлдан тартып иштей баштаган. Ушул тапта облус боюнча 200гө чукул кызматкер эмгектенсе, бир суткада 3 нөөмөт менен 8 сааттан алмашып иштешет.