Үстүбүздөгү жылдын 4-июлунан 5-июлга караган түнү Ала-Бука районунун Ала-Бука айылынын Ворошилова көчөсүнүн №8 үйүнүн тургуну, 1950-жылы туулган С.Мдин өзү жашаган үйүнүн эшигинин алдына токтотуп койгон жашыл түстөгү ВАЗ 2106 “Жигули” автоунаасын белгисиз кылмышкерлер жашыруун айдап кетишкен.

Окуя болгон жерге, Ала-Бука РИИБнүн ыкчам кызматкерлеринен турган оперативдик тергөө тобу чыгып, тиешелүү материалдарды чогултушкан.

Уурдалган автоунааны Ала-Бука районунун Көлмө участкасынын З. Абдурахманова көчөсүнө токтотуп кетишкен. Автоунаанын алдыңкы жели чыккан абалда табылган.

“Аталган факт боюнча КЖКнин 172-ст. 2-бөлүмүнүн 2-пункту менен кылмыш иши козголуп, “кылмыш изин суутпай” кылмышка шектүү болгон Ала-Бука районунун 2 атуулун жаңы түзүлгөн Патрулдук милиция кызматкерлеринин жардамында кармашты”, - деп билдирет ОИИБнын басма сөз кызматы.