Бүгүн, 6-июль күнү Кыргыз Республикасынын Өкмөтүнүн Жалал-Абад облусундагы ыйгарым укуктуу өкүлү Джумагүл Эгамбердиева Ала-Бука районундагы кырдаалга байланыштуу жеринде чара көрүү максатында  Ала-бука районуна иш сапарга чыкты.

Үстүбүздөгү жылдын  05-июль күнү саат 16:00 чамасында  Ала-Бука районуна караштуу  Кош-Болот айылындагы сел өтүүчү сай Кош-Болот-Тенги жолунун үстүнкү бөлүгүндөгү колоттордон жана сугат каналдардан ашкан сел  суулар 20 турак жайдын подвалына  30 турак жайдын огородруна сарайларына  сел суулары кирген.

Совет–Сай  айылдарынын тургуну 1988-ж туулган  Раев Медербек  2-топтогу майып  кокту колоттон келген сел сууларына Курук сел сайына түшүп агып кеткен Өзбек Республикасынын  Касан-Сай районунун Абадан айылына жакын болгондуктан ошол жакка агып өтүп кеткен. Өзбек Республикасынын чек ара кызматкерлери тарабынан 06.07.16.ж саат 08:00 чамасында табылып  Кыргыз Республикасынын чек ара кызматкерлери аркылуу жансыз денесин туугандарына  өткөрүп берген.  

1-май айыл аймагындагы Айры-Там жана Совет–Сай айылдарын район менен байланыштырган  автоуунаа  каттамы сел суулары  жууп кеткендиктен жол каттамы убактылуу токтогон .

Ажек айылындагы райондук суу чарба башкармалыгына караштуу сугат суу менен камсыз кылган лотоктордун 20 даанасын агып, Ажек сайынан келген сел сууларын өткөрүүчү сел сайдын жээктерин бузулган.

Учурда,  Көк-Серек  айыл аймагында  Теңги жана Кош-Болот  айылдарына баруучу ЖТИ-17 нин балансындагы жолдорду сел калдыктарынан тазалоого “Казакмыс” ишканасынан 1 бирдик автожүктөгүч жумушка тартылып жол каттамы бир багыттуу берилди.

1-май айыл аймагындагы Айры-Там жана Совет –Сай  айылдарын район менен байланыштырган 1-май айыл аймагына караштуу  жол каттамын сел суулары жууп жол каттамын тазалоого ЖТИ-17нан  ишканасынан 1 бирдик автожүктөгүч, 1 бирдик грейдир жана райондук суу чарба башкармалыгынан  1 бирдик автожүктөгүч жумушка тартылып калыбына келтирүү жумуштары жүрүп жатат.