Кечээ, 5-июль күнү Жалал-Абад шаарынын борбордук Эркиндик аянтында Орозо айт намазы өткөрүлүп, ага 6-7 миңдей киши катышты. Шаардыктардын билдиришинче, айт намазына келгендер саны жылдагыдан көп болду.

Айт намазына шаар тургундары гана эмес, шаар айланасындагы айрым айылдардын тургундары да келишип, намазга катышты. Ал эми шаар мэриясы атайын алдын ала түзүлгөн иш-чараларын негизинде мусулмандардын айт намазын өткөрүү боюнча даярдык иштерин жүгүзүшүп, зарыл шаттарды түзүшкөн.

Айт намазы убагында шаардын биринчи вице-мэри Тайырбек Чойбеков жалпы мусулмандарды Орозо айты менен куттуктап, жалпыга жакшылыктарды каалаганын билдирди.