Жалал-Абадда маданият өнөрпоздору, жаштар коому менен биргеликте уюштурган, жана аны ОИИБгы колдоосу менен “Жарамазан кайрымдуулук” акциясы аяктады. Бул тууралуу ОИИБнын басма сөз кызматы билдирди.

Алынган маалыматка караганда, Орозо майрамына карата “Ынтымак биримдиги” ооз ачыруу иш-чарасы өтүп, анда  “Жарамазан кайрымдуулук” акциясынан чогулган акча каражатарын түзүлгөн комиссия өкүлдөрү менен биргеликте чогулган элдин астында, кайрымдуулук кутучасын ачышты. Мындагы чогулган акча каражаттары мүмкүнчүлүгү чектелген балдар үйүнө, каарылар үйүнө, аз камсыз болгон үй-бүлөлөргө жардам иретинде тапшырылат.

“Бул кайрымдуулук акциясынын негизги максаты ыйык орозо күнүндө жардамга муктаж болуп турган инсандарга жакындан жардам берип, алардын көңүлүн көтөрүү болуп саналат”, - деп билдирет басма сөз кызматы.