Бүгүн, 4-июль күнү Жалал-Абад ОИИБнын демилгеси астында орозо айына карата «Мекеним менин - Кыргызстан» долбоору алкагында  жаштарды спорт аркылуу ынтымак, биримдике чакыруу, сергек жашоого үндөөгө аны менен бирге кылмыштуулукту алдын алуу максатында эл менен милициянын кызматташуусунун жакшыртуу максатында Тогуз-Торо районунда спорттук мелдеш жана жергиликтүү калк менен жолугушуу болуп өттү. Бул тууралуу ОИИБнын басма сөз кызматы билдирди.

Алынган маалыматка караганда, аталган иш-чарада спорттун волейбол, кичи футбол түрүнөн жалпысынан 20дан ашуун команда райондун аймагынан курама командалар келип катышып, алардын арасында мекеме-ишканалардан, укук коргоо органдарынын командалары да катышты. Райондук деңгээлде өткөрүлгөн саамалыкка бүт айыл аймактарынан  спорт ышкыбоздору катышып, Жалал-Абад ОИИБгы тарабынан жеңүүчүлөргө акчалай сыйлыктар жана белектер ыйгарылды.

Андан соң, Орозо айына карата жергиликтүү элдин башын кошуп 300 адамга “Ифтарлык” өткөзүлдү. Ага облустун борборунан Жалал-Абад облустук мусулмандар казысы Абдулазиз ажы Закиров, Жалал-Абад телерадиокомпаниясынын директору Куттумидин Базаркулов жана жергиликтүү бийлик өкүлдөрү катышты. Калктын калың катмарынан чогулган бул жыйында Тогуз-Торо эли уюштуруучуларга ыраазычылыгын айтып, элди ынтымак биримдикке үндөгөн кайрылуулар, тилектер айтылды. Уюштуруучулар тарабынан келген конокторго ак калпак, ак жоолуктар салынып элден ак бата алышты.