Ош шаарынын мэри Айтмамат Кадырбаевдин 5-май-Конституция күнүнө карата куттуктоо сөзү

Урматтуу мекендештер!

Кадырлуу Ош шаарынын тургундары!

5-Май - Конституция күнү катары таанылгандан бери 23 жыл болду. Бул аралыкта канчалаган өзгөрүүлөргө жана түрдүү окуяларга карабастан, дата манилүүлүгүн жоготбой келет.

1993-жылдын 5-майындагы Конституция жаңы мамлекеттин курулушуна, жаңы укуктук негиздерди жана мамлекет менен жарандардын, коомдук бирикмелердин ортосундагы жаңыча мамиле түзүүгө негиз берди. Ал кеңири парламентаризмди камсыз кылган күчтүү Жогорку Кеңеш, ага отчет берген Өкмөт сыяктуу бийликтин системасын сунуштаган.

Конституция нукура көз карандысыз жана адилеттүү сотту түзүүгө мүмкүнчүлүк тартуулайт. Жалпысынан алганда адамдын жана жарандын укуктары жана эркиндиктери тууралуу жоболор камтылган.Конституция ар бир кыргызстандык үчүн татыктуу турмуш камсыз кылууну башкы максаты катары караган калыс, демократиялуу мамлекет курууга бекем фундамент түзөт.

Ардактуу шаар тургундары!

Мыйзамдарга урматтоо менен мамиле жасоо – кийинки муунга өткөрүп бере турган демократиялуу, ийгиликтүү өнүгүп жаткан мамлекетти куруунун негизги шарттарынын бири. Ошондуктан биз бүгүн Конституция күнүн белгилеп жатабыз.

Сиздерди Ош шаардык мэриясынын жана жеке өзүмдүн атымдан майрамыңыздар менен куттуктайм. Сиздерге чың ден соолук, ал эмишаарыбызга тынчтык жана өнүгүп өсүүнү каалайм.