Казакстан президенти Касым-Жомарт Токаев Өзбекстанга бирдиктүү туристтик кластер түзүүнү сунуштады.

«Борбор Азиядагы коопсуздук, туруктуулук жана экономикалык өнүгүү Казакстан менен Өзбекстандын өз ара тыгыз мамилелеринен көз каранды. Түрк тилдүү гана эмес, бүтүндөй дүйнөлүк маданияттын мурасы болгон эки өлкөнүн руханий жана тарыхый борборлорун байланыштырууну сунуштайм. Түркстан, Самарканд, Бухара каттамдарын бириктирүү менен ыкчам түрдө туристтик кластер ачуу керек», – деген Токаев.

Казакстан президенти Өзбекстанга мамлекеттик сапар менен барган күнү Түркстан менен Самарканд ортосунда автобус каттамы ачылганы белгилүү болгон.

Казакстан президенти Касым-Жомарт Токаевдин Өзбекстандагы эки күндүк мамлекеттик сапары 14-апрелде башталган.

15-апрелде ал Өзбекстан президенти Шавкат Мирзиёев менен жолуккан.