Сузак районунун Багыш айыл өкмөтүнүн жайытынан атайын эгилип, каралып өстүрүлүп жаткан узундугу 3 метрдей жалпысынан  900 түп, болжол менен 450-500 кг. болгон кара куурай табылып,  калыстардын катышуусунда жулунуп алынды. Бул тууралуу Жалал-Абад ОИИБнын басма сөз кызматы билдирди.

Алынган маалыматка караганда, үстүбүздөгү жылдын 28-июнь күнү Сузак районунун тургуну наркотикалык заттарды камтыгын өсүмдүктөрдү сатуу максатында баңги затын камтыган өсүмдүктөрдү эгип, өстүрүп жаткандыгы тууралуу  оперативдүү маалымат түшкөн.

Жалал-Абад ОИИБнын наркотикалык заттарга каршы күрөшүү бөлүмүнүн ыкчам кызматкерлери тарабынан жүргүзүлгөн иликтөө иш-чаралардын натыйжасында, аталган факт боюнча ким тарабынан атайын өстүрүлгөндүгүн тактоо сыяктуу ыкчам тергөө иликтөө иштери жүргүзүлүүдө.