Сузак районуна караштуу Таш-Булак айыл өкмөтүнүн мурдагы башчысы Музафар Исаков оңой эле жоопкерчиликтен кутулуп кетүүдө. Мунун себеби эмне болду экен? Өз менчигиндей кылып жергиликтүү тургундардын үлүш жерлерин турак-жай участогуна бөлүп сатканга ким уруксат берген эле?..

Жетекчи болуп туруп, мамлекеттин кызыкчылыгын ойлобой, өз кызыкчылыгы үчүн жүздөгөн гектар жерди сатып, дүнүйө топтогон адам күтүлбөгөн жерден  ЖКга депутат болуп  шайланып алганы эмнегедир күмөн жаратат. 

Жасаган кылмышы 100 пайыз аныкталган мурдагы бийликтин эрке баласына айланган Музафар Исаковко мыйзамдын  күчү жетпейби? Ар бир жаран үчүн мамлекет өзүнүн мыйзамдарын жазып койгон, бирок ошол мыйзам Музафар Исаковко келгенде эле иштебей калабы?

Ал депутаттык мандатын тогуз ай мурда тапшырса болмок эле го. Соттун бүтүшүнө эки күн калганда гана мандатын тапшырды. Кылмыш ишинен кийин, эки жылдай аралыкта мамлекеттен  айлык алып жашап келди. Неге башка саясатчыларга окшоп кылмышы аныкталаары менен камакка алынбады? Азыркы учурда дагы жер сатуу ишине аралашып Димитровка айылынын 49 жана 50 - контурларынан жер сатып жаткандыгы тууралуу маалыматтар бар. Таң кала турган жери – бул Музафар Исаков алдамчылыкта биринчи оорунду ээлегени болууда.

Учурда Жалал-Абад областтык соту МУЗАФАР ИСАКОВ боюнча кылмыш ишин кароону баштады, бирок жыйынтыгы кандай болоору белгисиз? Музафар Исаков суудан кургак чыга берсе анда кылмышкер ким болушу мүмкүн?

АЛТЫБАЕВА МАЙРАМКАН САЯКОВНА, УКУК КОРГООЧУ