Өзбекстанда 25-февралдан тарта 100 миң сумдук жаңы банкнот колдонууга чыгарыла баштайт. Бул тууралуу өлкөнүн Борбордук банкы билдирди.

Мекеменин маалыматына караганда, жаңы банкнот улуу өзбек окумуштуусу Мирзо Улугбекке жана анын австрономиядагы жетишкендиктерине арналган. Анын маңдайкы бетинин сол бөлүгүнө Мирзо Улугбектин эстелиги түшүрүлгөн. Мындан тышкары анда көзү көрбөгөн адамдар кармап көрүп, канча сумдук банкнота экенин аныктай ала турган жашыл түстөгү атайын элемент бар.

Быйыл 15-январда Олий Мажлистин Сенаты 100 миң сум номиналындагы банкноттун үлгүсү менен дизайнын жактырганы кабарланган.

Анда өлкөнүн Борбордук банкы банкнота күнүмдүк накталай төлөмдөрдү жеңилдетүү максатында жүгүртүүгө бериле турганын билдирген.